حاسبوا انفسكم...

السلام عليكم

من مقولات سيدنا عمر بن الخطاب الشهيره..."حاسبوا انفسكم قبل ان تحاسبوا....وزنوا اعمالكم قبل ان توزن عليكم "...

فكم كان عظيما سيدنا عمر...وكان مثالا للعدل

وكان يحاسب نفسه يوميا ....

وانا تعجبن

ي كثيرا شخصيه سيدنا عمر....فعلا فقد كان مثالا للقوة...والعدل......

ومن شده ايمانه وقوته كان يخشي منه الشيطان ويهرب منه...

وكيف كان رقيقا مع زوجته ....حينما سمعه احدههم وهي ترفع صوتها عليه...فاستغرب كيف يحدث هذا مع سيدنا عمر امير المؤمنين ...فما كانت اجابته الا ان قال فيما معناه...امراه تعمل لاجلي وتتعب فهذا اقل شئ....

فكم كان حنونا ورقيقا رغم قوته ...

وكم كان عادلا....حينما كان يتفقد احوال الناس وعلم ان هناك امراه وابناءها جوعي...فقام بنفسه باعداد الطعام لهم في قصه شهيره...

فلم لا يوجد مثل سيدنا عمر في عصرنا هذا...؟؟؟

راوند الاطفال...:::::

راوند الاطفال...:::::

اخر روند يعتبر من حيث الامتحانات والسكاشن عندي......

ولسه من ايام قليله جدا كانت امتحانات النهائيه التطبيقي وامتحان المستشفي

وكانوا مرهقين الي حد كبير....ومحتاجه فعلا شئ يجدد النشاط والطاقه عشان اقدر اواصل اذاكر للنظري


وباقي يومين علي امتحانات النظري حتي يوم 20-5......

وفعلا الموضوع مش سهل اني اذاكر حاجه في الوقت ده بعد الامتحانات اللي لسه امتحنتها....

فعلا محتاجه دعاااااء





.....

ولسه قدامي مواد كتير..

>>>pediatric physical therapy 1,2,,,,,,,علاج طبيعي للاطفال ورقه اولي وتانيه

نظريات جراحه اطفال>>>>peadiatric surgery

.....نظريات امراض اطفال

سيكولوجيه الطفل المعاق>>psychology

علاج عيوب النطق والكلام>>>phoniatrics

يارب يعدوا كلهم علي خير وسلام

امين

اشتاق للشعور بالراحه ........

احساس جديد.....

احساس جديد...


لا دي مش اغنيه ولا حاجه دي حقيقه...

احساس اني قربت اخلص الكليه دي....يارب تخلص علي خير بجد....فاضليلي فتره قليله باذن الله واتخرج واحمل درجه بكالوريوس العلاج الطبيعي


بس حاليا انا في اخر روند...روند الاطفال ....وامتحانات اخر العام قربت جدا باقي حوالي 10 ايام

يارب يعدوا كلهم علي خير

الم في قلبي.....لاجل غزة.....

الم في قلبي واهااات لاجل مايحدث في غزة


لا اعرف كيف يقف العالم صامتا...ازاء مايحدث الان

اين مجلس الامن ؟؟ واين القوي العظمي التي كانت تدعي انها تحارب الارهاب في العالم

اليس هذا اشد ارهاب!!!

الاعتداء علي شعب اعزل..وسلب ارضه وقتل نساءه واطفاله ورجاله!!

باي حق يفعلون هذا الاجرام؟؟!!

اليس هذا اجرام وبلطجه وارهاب....بل ان كل المعاني لاتستطيع وصف مايحدث

فليتخيل كل منا انه مكان اي مواطن فلسطيني ولد ليجد ارضه مسلوبه وشعبه مشرد في العالم...!!

او مكان طفل برئ استشهد في اثناء قصف المدرسه الذي حدث اليوم

يارب ارحم العرب والمسلمين جميعا........!!
...

....

اشتاق لجنة ربي.....

انما العيش هو عيش الاخرة.....

كم اشتاق لجنة ربي.....

.ومللت الدنيا....


اللهم اعنني ...امين

صفات العباقرة والمبدعين

- الأذكياء يسألون أكثر من غيرهم ،
يريدون أن يعرفوا لماذا؟ وكيف ؟؟
2- يحبون أن يتكلموا كثيراً.
3- يحبون الحركة كثيراً.
4- يشعرون بطريقة مختلفة ويتصرفون بطريقة مختلفة.
5- بعضهم يشعر بالوحدة.
6- متمردون بسبب حالتهم الخاصة، ولأن لديهم مشاكل خاصة.
7- ينامون أقل من غيرهم بسبب الطاقة العالية التي لديهم.
8- الأذكياء حساسون جداً ، يغضبون بسرعة، ويشعرون بالسعادة بسرعة .
9- يتأثرون بنقد الآخرين،
ويسعون لتطبيق ما هو صحيح إذا اقتنعوا به .
10- يحبون الالتصاق بالعمل الشاق والصعب ويتمتعون به .
11- لديهم قوة عالية في التفكير الناقد ، ينقدون الأفكار الغبية .
12- يشعرون بالخوف من فقدان الأشياء التي يملكونها .
13- يستطيعون الحصول على علامات مرتفعة في مدارسهم.
14- يشعرون بالخوف من الفشل.
15- يكرهون الروتين ويشعرون بالملل .
16- البعض منهم يتمتع بصفة العناد .
17- يستطيعون إنتاج حاجات مختلفة .
18- لديهم قدرة خيالية أكثر من غيرهم .
19- يستطيعون الاتصال والتعامل مع من هم أكبر منهم سناً .
20- يستطيعون تعلم كل شيء وهم سريعوا الفهم

خصائص الموهوب:

للموهوبين مجموعة من الخصائص التي تتراوح بين السلبية والإيجابية،
والناتجة عن الموهبة التي خصّوا بها من:. و منها بين الناس
1- الدافع الذاتي الموجود لدى الطالب.
2- سرعة البديهة.
3- الطموح العالي.
4- حب المنافسة مع زملائه.
5- نسبة الذكاء العالية.
6- المتابعة من ولي الأمر المستمرة.


هذه بعض السمات والخصائص:
(أ) سمات في المظهر:

يظهر العناية بالمظهر، وهو انعكاس للاهتمام الأسري بالطالب
والاستقرار النفسي والاجتماعي الذي هو من شروط ظهور وبروز الموهبة لدى الطالب.
(ب) سمات سلوكية:
- يظهر التوازن السلوكي والعاطفي لدى الموهوب.
- كثرة حركة العين والتدقيق في صغائر الأمور.
- كثرة الأسئلة (وعادة) ما تكون أسئلة وجيهة تنم عن تفكير عميق.


فيما تظهر سمات وخصائص سلبية تتمثل بعضها بما يلي:

- المشاغبة، بسبب الإحساس العالي بالنشاط والطاقة الكامنة.
- احتقار الآخرين، عبر الإحساس بالتفوق وقلة خبرة ومعرفة الآخرين.
- الاستقلالية أو الانعزال، بسبب الإحساس بالفجوة الفكرية بينه وبين أقرنائه في العمر.
- الحقد على المجتمع أو المسؤولين بحال لم يساعده أحد
في تنمية أو تشجيع مهاراته

اعدااء النجـــــاح...

السلام عليكــم ورحمـة الله وبركاتــة ،،

حكمه قريتها وجت مناسبه لموقف شفته

بتقول "النجاح خطيئة يرتكبها المرء بحسن نية ومع ذلك لا يغفرها له الآخرون."

ليه كده

وعلي فكره ده حقيقه للاسف شفتها بعنيني..!!

الناس لو لقوا حد بينهم متميز في مكان ...بدل مايفرحوله بالعكس تماما..[يحقدوا عليه ويبتدوا يضايقوه لحد مايحبطوه وممكن كمان توصل انهم يتعبوا نفسيته وممكن ده يؤدي لان الشخص ده بدل مايستمر في نجاحاته ...

بالعكس هيجيبوله احباط واكتئاب ..

وحكمه تانيه قريتها برضه بتقول

"يرى الدميم في الجمال تحدّياً له، والغبي في الذكاء عدوانا عليه وأسوؤهم الفاشل عندما يرى في نجاح الآخرين ازدراءً لشخصه وتهديدا لاستمراريته. "

يعني لو ربنا سبحانه وتعالي انعم علي حد بصفات جميله وذكاء وموهبه ليه الناس بتضايقه وتحاول تحبطه وتغير منه وتحقد عليه ؟؟

ليه الناس بقت دايما تقول اه كده احنا بنضايقه عشان "مايبقاش احسن مننا....!!""

ليه الناس مبقتش تحب الخير لبعض

وبدل مايحقدوا علي النجاح او علي ان ربنا سبحانه وتعالي انعم علي حد بنعمه او حتي موهبه مثلا ...ليه مايحاولوش هما كمان ينجحوا في حاجه

ويحبوا نجاح الناس ويفرحوا بنجاح بعض؟؟

انها الدنيا..!

انها حقا الدنيا...

من اسمها واضح معناها..دنيا ...من الدنو اي الاسفل ...انها دنيا نحيا بها...وهي حياة مؤقته لايعلم احد متي تنتهي.....الا بامر الله سبحانه وتعالي خالقنا نحن وخالق الدنيا وخالق كل شئ....

لازم نعرف كويس ان ربنا سبحانه وتعالي هو القوي وهو القادر علي كل شئ

ونحن في اختبار في هذه الحياة الدنيويه....امتحااان

واعتقد محدش بيحب ابدا الامتحان خاصة لما يطول الوقت عليه وكل شئ محسوب في الامتحان ده سواء كان لصالح الانسان او ضده...في ميزان حسناته او ميزان سيئاته

وكل مايطول الامتحان كل مايصعب الموضوع اكتر...وتزيد صعوبه وشقاءالامتحان الدنيوي ده....

....اللهم لرحمنا يارب وقنا شر هذه الدنيا بكل مافيها من مساوئ..

be moltazem or die tryin:::::::::

برامج جميلة جدا في رمضان:::::::::

برامج جميلة جدا في رمضان:::::::::

بجد البرامج دي جميله والحمد لله بحاول احرص علي متابعتهم...او تحميلهم من النت ومشاهدتهم

اولهم برنامج استاذ عمرو خالد...قصص القران

بجد برنامج جميل جدا

بييجي كل يوم الساعه 10 مساءا بتوقبت القاهره علي قناة الرساله ثم علي قناة المحور.....

وممكن تحميل الحلقات من الموقع

http://www.amrkhaled.net/ramdan_news/
...........

برنامج الكنز المفقود لاستاذ مصطفي حسني.....

الساعه 11 بتوقيت القاهره علي قناة اقرأ.......

http://www.mustafahosny.com/

.............................................................

وبرنامج الطريق الصح لمعز مسعود

http://www.moezmasoud.com/index.php

الاجازة ورمضان:::::::::

الاجازة ورمضان....

الحمد لله لسه امبارح خلصت امتحانات التيرم الدراسي الثالث ..او الروند الثالث ..روند العظام ...

بعد دراسه وامتحانات مستمره طول الصيف....

الحمد لله مع ان بعض الامتحانات جت غريبه شويه ..بس ادعولي بجد

ان النتيجه تكون جميله ان شاء الله:)

.............

وكمان الحمد لله سعيده بقدوم شهر رمضان الكريم ...شهر اوله رحمه..اوسطه مغفره ..اخره عتق من النار...اللهم بلغنا هذا الشهر...وبجد ان شاء الله ياريت كل الناس تغتنم فوائد الشهر الكريم ده

بقيام الليل وختم القران اكثر من مره والتسيح والصلاة...وكل العبادات الجميله دي

وبجد ان شاء الله لازم يبقي فيه اجتهاد للحصول علي اعلي المراتب من الثواب والحسنات :)

الامتحانات خلاص قربت جدا وبدأت تقريبا...ادعولي بجد

السلام عليكمامتحانات اخر السنه المستشفي العملي والشفوي والتطبيقي ان شاء الله

وفعلا مضغوطه جدا بالمذاكره الكتير جدا.....

ربنا ييسر بجد ادعولي..........................

الموت قريب جدا ....حوادث المحور

حوادث المحور....كل يوم تقريبا بسمع عنها واحيانا بشوفها بعيني

المحور ده للاسف هو طريقي يوميا للذهاب الي كليتي....وكل شويه يا بشوف او بسمع عن حوادث فظيعه بيروح ضحيتها ناس ابرياء...

موضوع بجد صعب عليا اني بعدي كل يوم من طرق الموت دي...غير كده اني مره شفت حادثه بشعه علي الطريق برضه المؤدي لمنطقه الهرم وانا راجعه من احدي الامتحانات باحدي المستشفيات....!!

لحد ما امبارح سمعت ان الحادثه الاخيره بتاعت المحور راح ضحيتها احدي طلبه كليتي ...طالب في سنه تانيه!
انا معرفوش شخصيا ولكن اثر فيا اوي الموضوع

وقد ايه ان الموت ده قريب جدا من اي حد...

ومحدش هيهرب منه حتي لو في فراشه...

لان هو ده مصيرنا جميعا ومحدش هيهرب من الموت او من القدر مهما عمل.....

ولكن اسال الله وادعيه بجد ان يرحم كل اموات المسلمين

وان يحسن ختامنا جميعا

وان يكون قبورنا روضه من رياض الجنه...وان يكون الفردوس الاعلي واعلي الجنان هو مصيرنا ان شاء الله ارحم الراحمين..!!

اميـــــــــــــن

الصيف بالنسبالي السنه دي.....

قررت اطلق للكيبورد العنان

.....
الاجازة وفصل الصيف...طبعا كل الناس خاصة الطلبه بينتظروا قدوم الصيف....عشان الاجازه والترويح عن النفس والسفر وزياره الشواطئ وكل الحاجات الجميله دي...

بس للاسف السنه دي اول مره ميبقاش عندي اجازه طويه في الصيف عشان دي ظروف دراستي بالكليه...مفيش اجازه صيفيه هذا العام

لان فيه تيرم كامل دراسه ..وهو راوند عظام ...يعني محاضرات وسكاشن وامتحاناااااااااااات عادي جدا طول العام....وتدريب عملي بالمستشفيات...طبعا موضوع مش بسيط او هين يعني ...ودراسه تضع الطلبه تحت ضغط عصبي كبير نظرا لتكدس المناهج وكبرها ..والحاجه للفهم الشديد والتركيز وفي نفس الوقت ايضا الحفظ!!وما ادراكم ماالحفظ.....!
لحد فعلا ما بجد بتيجي عليا اوقات صعبه اوي من الملل والاكتئاب احيانا وعدم القدره علي التركيز او الاستمرار ....

ومفيش اي حاجه تعمل اي تجديد او دافع او حاجه تخفف وطأ صعوبه الموضوع

موضوع جديد ..خاصه مع وجود ضغط مستمر من الدراسه والامتحانات اللي طول الوقت ..

....
مع اني الحمد لله بحب التفوق والتميز ...

وبحب العلم جداااا ...وبحب اتقن عملي ....

ياريت تدعولي

..........

الغربة.....!!

نعم الغربه....ماذا تعني....؟؟


قد يخطر لدي البعض ان الغربه هي بمفهومها المعروف ...اي سفر شخص ما وغربته عن اهله واحبائه...

ولكن ..هناك معني اخر مهم جداااوافظع من ذلك...

هو غربة الانسان وسط اهله واحبائه. واقرب الناس اليه...

فقد يشعر البعض بذلك ..وهو شعور قاتل وقاسي....

فما اصعب ان يعيش الانسان في بيته وفي محيط حياته شاعرا بالغربة...!

غربة في كل شئ...فقد تكونت الجدران بينه وبين من حوله...جدران يصعب هدمها...

جدران...ما اسوءها...ما افظع ان تحول بينك وبين اقرب الناس اليك جدرااان وحواجز...تمنع التواصل ..

وعندما يسافر شخص او يبتعد عن اقرب الناس اليه واهله واصدقاءه فترة طويله

عندما يعود ايضا قد يشعر بالغربه....

فالغربة عامة...احساس صعب جدا...علي النفس البشريه تحمله

فالانسان يحب ان يتالف مع من حولة...

فهو اجتماعي بطبعه.....

.......

الكلام ده كنت كتبته من سنتين تقريبا


وللاسف مستمر عندي ذلك الشعور بالغربه دائما عن الحياة.....

موقف اثر فيا اوي

السلام عليكم ورحمة الله وبركاته

موقف اثر فيا اثناء تدريبي العملي كطبيبه علاج طبيعي مازالت

undergraduate

في قسم العظام,,,,في القصر العيني

بجد لما رحت هناك فعلا كل يوم تقريبا برجع متاثره للي بشوفه ونظرات المرضي اللي كلها حزن واسي بعد اصايتهم بالكسور....


ازاي ان الشخص او السيده دي كانت من كام يوم عايشه حياتها عادي جدا وطبعا اراده ربنا سبحانه وتعالي ان يصيبها كسر يخليها مش قادره تمشي او تقف علي رجلها....

وعرفت بجد اهميه تخصصي في علاج الحالات دي...

....

وكل يوم تقريبا اشوف حاله تاثر فيا اوي..

فسبحان الله

والحمد لله الذي عافانا مما ابتلي به غيرنا......

سؤال ......

سؤال تردد كتير في ذهني

ليه الناس بتعمل بلوج؟؟



ومين هيقراهم البلوجز دي....؟



انا بحب الكتابه ...وكنت بكتب كويس....بس للاسف من ساعه مادخلت الكليه مبقاش فيه وقت لاي حاجه



حاسه ان مفيش وقت للابداع...حتي لو توفر الوقت فالابداع نفسه بيضيع وسط ضغوط الحياة الفظيعه>>>



بجد مفيش حد مرتاح علي ما اعتقد....خاصة انا ...بحس بضغوط كتير جدا ....



هي الحياة اصلا كده تقريبا هم وتعب,,,,



قال تعالي(وخلقنا الانسان في كبد)



اهو الكبد ده هو المشكله ودرجه التعب دي بتختلف من انسان لاخر اكيد بدرجات متفاوته.....





مش عارفه يمكن تكون البلزجز دي وسيله للناس انها تكتب همومها عشان متتعبش وتعيا يمكن.....؟؟

حزن لحال المسلمين

بجد انا حزينه جدا علي حال المسلمين....

فعلا تدهور فظيع ..بقينا ناس متأخره جدا والناس التانيه سابقانا جداااا

حتي ارضنا العربيه محتله ...واللي حصل في غزه مضايقني جدا ومضايق كل المسلمين اكيد اللي فعلا مسلمين بجد مش بس بالبطاقة!

مش عارفه ايه نهاية الظلم ده وبيتهيألي الموضوع مش موضوع فلسطين بس ولا العراق ولا حاجه معينه..........

بس الموضوع اكبر كتير من كده

ربنا يرحمنا جميعا ويهدي المسلمين بجد....

عام هجري جديد

عام هجري جديد

هنحن علي اعتاب سنه هجريه جديده...بعد ايام قليله تقريبا بعد يومين من الان..

.وان شاء الله بترفع الاعمال في نهايه كل عام هجري الي الله سبحانه وتعالي

فلازم نحرص علي ان تكون جميل الاعمال صالحه باذن الله...او الاستغفار والاكثار منه والتوبه وعدم الرجوع الي اي ذنوب مره تانيه....................

.والاكثار من الصلاه علي سيدنا محمد (صلي الله عليه وسلم)...شفيعنا ان شاء الله وندعو الله ان يجمعنا به في فردوسه الاعلي...............

وقراءه القران ايضا لها اجر كبير ان شاء الله ....ولو بالتجويد يكون افضل كثيرا.....

ونحاول ان شاء الله نحفظ القران....لو كل يوم صفحه ....والقران 600 صفحه ....لو كل يوم صفحه ان شاء الله ممكن نخلص القران في سنه ونصف....او علي الاقل لو الظروف ماامكنتش يبقي كل يوم نص صفحه او علي الاقل 3 سطور في اليوم...................

.كثره التسبيح..

.العفو عن الناس........

الاستغفار..

.ونسال الله ان يتقبل منا خالص الاعمال